Праца шла ў кожны сваободны момант, таму калі ляцеў у чарговую камандыроўку і чакаў самалёт у Маскве, сядзеў з ноўтбукам і ілюстраваў. Усе праходзяць праз гэты этап, калі нешта робіш і не захоўваешся. Так, я не захаваў файл яшчэ з Менску, не захаваў яго і ў Маскве, а калі прыляцеў у Кітай, то мяне выкінула з праграмы - і плённая праца цягам 2-3 дзён была страчана. Пазлаваліся крыху і зноў ілюстраваць, бо трэба хутчэй скончваць праект.

Да завяршэння заставалася 19 месяцаў.

Выхад скрэтч-карты ад Белкартаграфіі і, канешне, словы Волі моцна паўплывалі на наступную працу. Дзесьці праз тыдзень пасля гэтых падзей было яшчэ адно выпрабаванне.

Работа над картаю працягвалася з першага дня 2019 года. Ужо першага студзеня 2019 года я выслаў брацішу фінальны выгляд Маларыцкага раёна.

Яшчэ адзін месяц вандровак і ілюстравання, і ў лютым я кладуся ў бальніцу выпраўляць праблемы з каленам. Нягледзячы на рэабілітацыйны перыяд наступныя 4-5 тыдні работа па карце не прыпынялася. Раз-пораз удакладняў у браціша, ці варта гэтаму аб'екту быць на карце (пытанне было наконт былой сядзібы ў Ганцавічах), а таксама рабіў тэсты на пазнавальнасць аб'ектаў.

Трэба быў нейкі псіхалагічны ўздым для працы, таму і важна было пачуць, што ілюстрацыі маюць падабенства з рэальнымі аб'ектамі

Тое, як я бачыў будучыню карты добра адлюстроўваецца ў фінальным пытанні

У чэрвені мне кідаюць адну навіну, якая зноў дадае руху ў ілюстраванні.

Мастак Васіль Бурдзін па запыце Брэсцкага абліспалкама стварыў турыстычныя карты раёнаў Брэсцкай вобласці.

Калі з Белкартаграфіяй было падабенства ідэі, то тут было падабенства стыля. Чаго тут казаць, нават ракурсы аб'ектаў былі аднолькавыя. Але ж гэта толькі ўзмацняла веру ў свой прадукт.

Далей звесткі аб працэсах стварэння карты губляюцца і толькі ў кастрычніку, 2 кастрычніка, пішу брацішу,

"Сейчас вот 85 объектов, из них около 10 штук это доты/кладбище пмв, что планирую сейчас до работы доделать

Вчера еще немного стикеров порисовал"

Год быў надта вандроўчым: кожны месяц кудысьці ездзіў за мяжу - ды і часцяком катаўся па Беларусі. Таму міксаваць гэта з работаю было цяжкавата. Вось яны прычыны, чаму стварэнне карты так зацягнулася і чаму 2020 год быў такі напружаны.

Першага лістапада плённа працую над шыльдамі да гарадоў і вёсак: як пісаць, якім колерам, на шыльдах ці на зямлі.

Насамрэч гэта былі больш вольныя думкі, аніякая канкрэтыкі і дакладнага плану.
Пятнаццатага лістапада ёсць першыя вынікі па Брэсцкай вобласці і планы па тым, што засталося.

У канцы лістапада ў мяне была чарговая камандыроўка ў Кітай таму планы былі паспець даілюстраваць Брэсцкую вобласць.

Першага лістапада дадаваў на карту апошнія аб'екты і ўжо пачынаў думаць аб прасоўванні.